Лондоннинг "Тоттенхэм" клуби ҳимоячиси Эрик Дайер январдаги трансфер ойнасида жамоасини ўзгартириши мумкин. Бу ҳақда инсайдер Экрем Конур ижтимоий тармоқлар орқали хабар берди.
Журналистга маълум бўлишича, 29 ёшли футболчи билан ҳамкорлик қилишдан Премьер-лига ва Италия А Серияси клублари қизиқиш билдирмоқда. Лондонликлар келаси ёзда футболчини текинга йўқотмаслик учун Дайерни январда сотишга тайёр. Ҳимоячининг “шпорлар” билан шартномаси жорий мавсум охирида якунига етади.
Эрик 2014 йилдан бери "Тоттенхэм"да ўйнаб келмоқда. Бу мавсумда у бор йўғи учта ўйинда қатнашди. Футболчининг бозор нархи 12 миллион еврога баҳоланмоқда.
