Bir necha kun oldin Jim Retkliff kompaniyasi "Manchester Yunayted"ning 25 foiz aksiyasini sotib olgani ma’lum bo‘lgandi. Aynan INEOS kompaniyasi klubning futbol ishlarini boshqaradi.
The Times nashri xabariga ko‘ra, kelishuv qiziqarli maxfiy bandni o‘z ichiga olgan. Gleyzerlar oilasi a’zolari va Retkliffga bir-birini ochiqchasiga tanqid qilish taqiqlanadi.
Eslatib o‘tamiz, so‘nggi yillarda “Manchester Yunayted” muxlislari bir necha bor Gleyzerlar oilasiga qarshi chiqishdi.
Hozirda "Manchester Yunayted" APL turnir jadvalida oltinchi o‘rinda bormoqda. 2023 yilning so‘nggi o‘yinida Erik ten Xag shogirdlari 30 dekabr kuni mehmonda “Nottingem Forest”ga qarshi maydonga tushadi.