Londonning “Vest Xem” klubi himoyachisi Tilo Kerer faoliyatini Italiya chempionatida davom ettirishi mumkin, deb xabar bermoqda Corrierre dello Sport jurnalistlari.
Manbaga ko‘ra, 27 yoshli germaniyalik futbolchining transferiga poytaxtning "Roma" klubi qiziqish bildirmoqda.
Rim klubi rahbariyati bu futbolchini yanvar oyidagi transfer oynasida qo‘lga kiritmoqchi. Tilo 2022 yilning yozidan beri "bolg‘achilar" sharafini himoya qilib kelmoqda.
Joriy mavsumda Kerer “Vest Xem” safida 12 ta o‘yin o‘tkazib, birorta ham gol urmagan. Himoyachining transfer narxi 9 million yevroga baholanmoqda.
