Лондоннинг “Вест Хэм” клуби ҳимоячиси Тило Керер фаолиятини Италия чемпионатида давом эттириши мумкин, деб хабар бермоқда Corrierre dello Sport журналистлари.
Манбага кўра, 27 ёшли германиялик футболчининг трансферига пойтахтнинг "Рома" клуби қизиқиш билдирмоқда.
Рим клуби раҳбарияти бу футболчини январ ойидаги трансфер ойнасида қўлга киритмоқчи. Тило 2022 йилнинг ёзидан бери "болғачилар" шарафини ҳимоя қилиб келмоқда.
Жорий мавсумда Керер “Вест Хэм” сафида 12 та ўйин ўтказиб, бирорта ҳам гол урмаган. Ҳимоячининг трансфер нархи 9 миллион еврога баҳоланмоқда.
