"Arsenal" muxlislari Angliya chempionatining 19-turi doirasida "Vest Xem"ga qarshi o‘yindan so‘ng jamoa himoyachisi Aleksandr Zinchenkoni tanqid qilishdi.
“Kanonirlar” kutilmaganda o‘z maydonida 0:2 hisobida mag‘lubiyatga uchradi. “Arsenal” muxlislari ukrainalik legionerning o‘yinidan nihoyatda norozi va uning jamoadan ketishini istashmoqda.
“Zinchenkoni “Arsenal”dan olib tashlang”, deb yozgan bir foydalanuvchi
"Agar Timber yaxshi bo‘lganida, Zinchenko o‘yinni boshlamagan bo‘lardi", dedi yana bir kuzatuvchi.
"U endi oson narsalarni ham qila olmaydi", deb yozgan yana bir muxlis.
Joriy mavsumda Aleksandr Premyer-ligada 18 ta o‘yinda maydonga tushib, bir gol va golli uzatmani amalga oshirdi.
