"Antalyaspor" bosh murabbiyi Nuri Shahin Germaniya chempionatining top-klubiga ishga kirishi mumkin, bu haqda insayder Ertan Suzgun ijtimoiy tarmoqlar orqali ma’lum qildi.
Manbaga ko‘ra, turkiyalik mutaxassis Edin Terzichning "Borussiya"sida murabbiylar shtabiga qo‘shiladi va kelasi mavsumdan boshlab jamoani boshqaradi.
Terzich "asalarilar" sport direktori lavozimida ishlashni davom ettiradi. "Borussiya" Germaniya chempionati turnir jadvalida beshinchi o‘rinni egallab turibdi.
16 turdan so‘ng Dortmund klubi 27 ochko jamg‘ardi. Bundesliganing navbatdagi turida "arilar" mehmonda “Darmshtadt”ga qarshi bahs olib borishadi.
