Pep Gvardiola IFFHS talqiniga ko‘ra 2023 yilning eng yaxshi klub murabbiyi deb topildi.

Gvardiola bu sovrinni uchinchi marta oldi. Ilgari u buni 2009 va 2011 yillarda olgan.

2023 yilda Gvardiola boshchiligidagi “Manchester Siti” APL, Chempionlar ligasi, Angliya kubogi, Yevropa Superkubogi va klublar o‘rtasidagi jahon chempionatida g‘olib chiqdi.

Xalqaro futbol tarixi va statistikasi federasiyasi (IFFHS) ma’lumotlariga ko‘ra yilning klublardagi eng yaxshi murabbiyi:

1. Pep Gvardiola («Manchester Siti») – 281 ochko;

2. Karlo Anchelotti («Real Madrid») – 56 ochko;

3. Luchano Spalletti (sobiq murabbiy «Napoli») – 53 ochko;

4. Simone Indzagi («Inter») – 51 ochko;

5. Fernando Diniz («Fluminense») – 33 ochkr;

6. Mikel Arteta («Arsenal») – 30 ochko;

7. Xavi («Barselona») – 26 ochko;

8. Endj Postekoglu («Seltik» / «Tottenxem») – 12 ochko;

9. Unai Emeri («Aston Villa») – 8 ochko;

10. Yurgen Klopp («Liverpul») – 6 ochko.