"Manchester Yunayted" markaziy himoyachisi Jonni Evans keyingi mavsumda ham klubda qolishi mumkin.
Shimoliy irlandiyalik futbolchi 2023 yil iyul oyida mudofaadagi kadrlar masalasini hal qilish uchun “Yunayted”ga qaytgandi. Evansning amaldagi shartnomasi 2024 yilning yozida tugaydi, ammo klub futbolchiga yangi bir yillik shartnoma taklif qilishga tayyor. Jamoa bosh murabbiyi tajribali markaziy himoyachi bilan hamkorlikni davom ettirishdan shaxsan manfaatdor.
Joriy mavsumda Jonni Evans “Manchester Yunayted”ning 15 ta o‘yinida qatnashib, 1 ta golli uzatmani amalga oshirdi. 3 yanvar kuni futbolchi 36 yoshga to‘ladi.