"Манчестер Юнайтед" марказий ҳимоячиси Жонни Эванс кейинги мавсумда ҳам клубда қолиши мумкин.
Шимолий ирландиялик футболчи 2023 йил июль ойида мудофаадаги кадрлар масаласини ҳал қилиш учун “Юнайтед”га қайтганди. Эванснинг амалдаги шартномаси 2024 йилнинг ёзида тугайди, аммо клуб футболчига янги бир йиллик шартнома таклиф қилишга тайёр. Жамоа бош мураббийи тажрибали марказий ҳимоячи билан ҳамкорликни давом эттиришдан шахсан манфаатдор.
Жорий мавсумда Жонни Эванс “Манчестер Юнайтед”нинг 15 та ўйинида қатнашиб, 1 та голли узатмани амалга оширди. 3 январь куни футболчи 36 ёшга тўлади.