Shanba oqshomida "Vulverxempton" "Everton"ni qabul qildi va 3:0 hisobida g‘alaba qozondi. Birinchi goldan so‘ng “bo‘rilar” futbolchilari tribunaga Mario Leminaning futbolkasini ko‘rsatishdi.

Shu tariqa jamoa futbolchini qo‘llab-quvvatladi - u otasining vafoti tufayli o‘yinni o‘tkazib yuborgandi.

Ayni vaqtda "Vulverxempton" Angliya Premyer-ligasi turnir jadvalida 11-o‘rinda bormoqda. Jamoa navbatdagi chempionat o‘yinini 22 yanvar kuni - raqib maydonida "Brayton"ga qarshi o‘tkazadi. 2023/2024 yilgi mavsumda Mario Lemina 17 ta o‘yin o‘tkazib, 4 ta gol urgan.