Mahoratli hujumchi Ruslanbek Jiyanov “Navbahor” bilan shartnoma imzoladi.

Ruslanbek Jiyanov 2001 yil, 5 iyunda Vatanimiz poytaxti Toshkentda tavallud topgan. “Paxtakor” klubi tarbiyalanuvchisi.

Professional futboldagi faoliyatini 2021 yilda yangi tashkil etilgan “Olimpik” (Toshkent) jamoasida boshlagan.

“Olimpiyachilar” tarkibida 2021-2022 yillar davomida 42 ta o‘yinda maydonga tushib, 7 ta gol urgan.

2023 yili Rossiya Premyer-ligasining “Pari Nijniy Novgorod” (Nijniy Novgorod) klubi tarkibiga qo‘shilgan mahoratli hujumchi yakunlangan mavsumning 1-davrasini ham ijara asosida “Olimpik” safida o‘tkazib, mazkur jamoa tarkibida Superliga va O‘zbekiston kubogi doirasidagi bahslarda 14 ta o‘yinda maydonga tushib, 3 ta golga mualliflik, 2 ta golga assistentlik qildi. “Pari Nijniy Novgorod” tarkibida esa 2023 yili 2 ta o‘yinda maydonga tushdi.  

Ruslanbek Jiyanov O‘zbekiston–U-23 olimpiya hamda milliy terma jamoalarga nomzod futbolchi. U olimpiya terma jamoamiz tarkibida 2022 yili  Osiyo-U-23 chempionatida vise-chempionlik unvonini qo‘lga kiritdi.

Jiyanov olimpiya terma jamoamiz tarkibida ayni paytgacha 16 ta o‘yinda maydonga tushib, 2 ta gol urgan.

Milliy terma jamoamizda esa 2022 yili Rossiya termasiga qarshi kechgan o‘rtoqlik bahsida debyut qilgan.   

“Navbahor” PFK matbuot xizmati.