Маҳоратли ҳужумчи Русланбек Жиянов “Навбаҳор” билан шартнома имзолади.

Русланбек Жиянов 2001 йил, 5 июнда Ватанимиз пойтахти Тошкентда таваллуд топган. “Пахтакор” клуби тарбияланувчиси.

Профессионал футболдаги фаолиятини 2021 йилда янги ташкил этилган “Олимпик” (Тошкент) жамоасида бошлаган.

“Олимпиячилар” таркибида 2021-2022 йиллар давомида 42 та ўйинда майдонга тушиб, 7 та гол урган.

2023 йили Россия Премьер-лигасининг “Пари Нижний Новгород” (Нижний Новгород) клуби таркибига қўшилган маҳоратли ҳужумчи якунланган мавсумнинг 1-даврасини ҳам ижара асосида “Олимпик” сафида ўтказиб, мазкур жамоа таркибида Суперлига ва Ўзбекистон кубоги доирасидаги баҳсларда 14 та ўйинда майдонга тушиб, 3 та голга муаллифлик, 2 та голга ассистентлик қилди. “Пари Нижний Новгород” таркибида эса 2023 йили 2 та ўйинда майдонга тушди.  

Русланбек Жиянов Ўзбекистон–U-23 олимпия ҳамда миллий терма жамоаларга номзод футболчи. У олимпия терма жамоамиз таркибида 2022 йили  Осиё-U-23 чемпионатида вице-чемпионлик унвонини қўлга киритди.

Жиянов олимпия терма жамоамиз таркибида айни пайтгача 16 та ўйинда майдонга тушиб, 2 та гол урган.

Миллий терма жамоамизда эса 2022 йили Россия термасига қарши кечган ўртоқлик баҳсида дебют қилган.   

“Навбаҳор” ПФК матбуот хизмати.