Karim Benzema Yevropaga qaytishi mumkin.
Ma’lum bo‘lishicha, Fransiyaning "Lion" klubi 36 yoshli hujumchini o‘z safiga qo‘shib olmoqchi. "To‘qimachilar" Benzemaning transferini yozgi transfer oynasida rasmiylashtirishni kutishmoqda. Karimning "Al-Ittihod" bilan shartnomasi 2026 yilning iyun oyi oxirigacha amal qiladi.
Hujumchining transfer qiymati 15 million yevroga baholanmoqda. Joriy mavsumda Benzema Saudiya Arabistoni chempionatida 15 ta o‘yin o‘tkazib, 9 ta gol va 5 ta golli uzatmani amalga oshirdi.