"Tottenxem" o‘zining rasmiy sayti orqali yarim himoyachisi bilan shartnoma uzaytirilganini e’lon qildi - Pap Matar Sarr 2030 yil o‘rtalariga qadar tuzilgan mehnat shartnomasini imzoladi.

Sarr umumiy hisobda “Tottenxem” safida 33 ta rasmiy o‘yinda maydonga tushib, 2 ta gol urdi va 3 ta golli uzatmani amalga oshirdi.

Ayni vaqtda "Tottenxem" Angliya chempionati turnir jadvalida beshinchi o‘rinda bormoqda. Anje Postekoglu jamoasi navbatdagi o‘yinni 5-yanvar, juma kuni mamlakat kubogi doirasida o‘z maydonida “Byornli”ga qarshi o‘tkazadi.