"PSJ" "Korintians"dan transferi yaqinda e’lon qilinishi kerak bo‘lgan yarim himoyachi Gabriyel Moskardo jarohat olgani sababli, qo‘shimcha yarim himoyachi olish imkoniyatini ko‘rib chiqmoqda. Bu haqda L’Équipe nashri xabar bermoqda.
Manbaga ko‘ra, Moskardo jarohatda, shuningdek, Li Kan In Osiyo Kubogiga ketadi va jarohatidan to‘liq forig‘ bo‘lmagan yarim himoyachi Fabian Ruis borligi uchun "PSJ" yarim himoya chizig‘ida kadrlarga muhtoj.
Biroq fransuz giganti aynan qaysi futbolchini sotib olmoqchi ekanligiga aniqlik kiritilmagan.
Ta’kidlanishicha, chap oyog‘idagi jarohat tufayli Moskardo jarrohlik amaliyotidan o‘tadi va dastlabki prognozlarga ko‘ra, u uch oyni o‘tkazib yuboradi.
