"ПСЖ" "Коринтианс"дан трансфери яқинда эълон қилиниши керак бўлган ярим ҳимоячи Габриел Москардо жароҳат олгани сабабли, қўшимча ярим ҳимоячи олиш имкониятини кўриб чиқмоқда. Бу ҳақда L’Équipe нашри хабар бермоқда.
Манбага кўра, Москардо жароҳатда, шунингдек, Ли Кан Ин Осиё Кубогига кетади ва жароҳатидан тўлиқ фориғ бўлмаган ярим ҳимоячи Фабиан Руис борлиги учун "ПСЖ" ярим ҳимоя чизиғида кадрларга муҳтож.
Бироқ француз гиганти айнан қайси футболчини сотиб олмоқчи эканлигига аниқлик киритилмаган.
Таъкидланишича, чап оёғидаги жароҳат туфайли Москардо жарроҳлик амалиётидан ўтади ва дастлабки прогнозларга кўра, у уч ойни ўтказиб юборади.
