"Santos" hujumchisi Markos Leonardo faoliyatini "Benfika"da davom ettiradi.
Portugaliya klubi 20 yoshli futbolchi uchun rasmiy taklif bilan chiqdi - "Santos" rozi bo‘lish arafasida. Insayder Fabrisio Romanoning so‘zlariga ko‘ra, transfer 24 soat ichida amalga oshiriladi. Bitim qiymati 18 million yevroga baholanmoqda. Klublar hali yakuniy tafsilotlarni hal qilishlari kerak.
Londonning “Arsenal” klubi avvalroq Markos Leonardoga asosiy da’vogarlardan biri sifatida ko‘rsatilgan edi.
Braziliya A Seriyasining so‘nggi mavsumida forvard 31 uchrashuvda 13 ta gol urdi, biroq jamoasi kutilmaganda elit diviziondan tushib ketdi.
