"Tottenxem" markaziy himoyachisi Erik Dayer faoliyatini Angliya Premyer-ligasining boshqa klubida davom ettirishi mumkin.
Angliyalik futbolchining amaldagi shartnomasi mavsum oxirida tugaydi, ammo so‘nggi mish-mishlarga ko‘ra, "shporlar" futbolchini shu oyda tekinga qo‘yib yuborishga tayyor. SunSport xabariga ko‘ra, Dayerda faoliyatini Angliyada davom ettirish imkoniyati bor - "Vest Xem" unga ko‘z tikkan.
Avvalroq markaziy himoyachiga Italiyaning “Milan” va “Roma” klublari qiziqish bildirayotgani haqida xabar berilgandi. 29 yoshli futbolchiga da’vogarlar orasida “Napoli” ham bor edi.