Karlo Anchelotti "Real"ning La Liganing birinchi davrasidagi o‘yiniga baho berdi.
Madridliklar 19-turda "Malyorka"ni mag‘lub etishdi (1:0) va hozirda 48 ochko bilan birinchi o‘rinda bormoqda. "Atletiko"ga qarshi bugungi o‘yin natijalariga ko‘ra, "Jirona" ularga tenglasha oladi.
La Liga ikki jamoaning chempionati emasligi haqida:
"Yo‘q, bu "Jirona" juda yaxshi o‘ynaydigan raqobatbardosh liga.
O‘ylashimcha, biz birinchi davrada yaxshiroq natija ko‘rsata olmasdik. Ammo biz oldinga qarashimiz kerak."
Chempionatning birinchi davrasida 11 ta gol o‘tkazib yuborgani haqida:
“Men bu statistikadan juda mamnunman. Bu fidoyilik namunasidir.
“Atletiko” bilan o‘yinda yuzaga kelgan muammoni hal qildik. O‘sha o‘yinda biz yaxshi himoyalanmayotganimizni angladik”, - dedi “Real” bosh murabbiyi.
