Avvalroq matbuotda Argentina terma jamoasi sardori va murabbiyi – Lionel Messi va Lionel Skaloni qishki ta’til vaqtida uchrashuv o‘tkazishi haqida ma’lumotlar paydo bo‘lgandi. Ular jamoa bilan vaziyatni muhokama qilishlari kutilgandi.
Endi Sky Sports Messi va Skaloni o‘rtasida uchrashuv bo‘lmasligini e’lon qiladi. Manbaga ko‘ra, ikki Lionel muntazam ravishda telefon orqali muloqot qiladi va ular bu qishda shaxsiy uchrashuvdan ma’no ko‘rmaydilar.
Avvalroq Lionel Skaloni Argentina terma jamoasini tark etishi mumkinligini aniq aytgandi. So‘nggi yillarda uning qo‘l ostida jamoa Amerika kubogi va jahon chempionatidagi g‘alabalar ko‘rinishida jiddiy muvaffaqiyatlarga erishdi.
