“Barselona” “Las-Palmas”ga qarshi o‘yinda 90+3-daqiqada kiritilgan gol evaziga uch ochkoni qo‘lga kiritdi. Hozirda kataloniyaliklar 81-daqiqadan keyin kiritilgan gollar evaziga 19 ochko to‘plashga muvaffaq bo‘lishgan.
So‘nggi daqiqalardagi gollar – g‘alaba kaliti
So‘nggi daqiqalardagi gollar "Barsa"ga oltita g‘alaba va bir durang taqdim etdi. To‘rt marta "ko‘k-anorranglilar" mehmonda g‘alaba qozonishdi va uch marta o‘z muxlislari oldida kambek amalga oshirishdi.
Bosh qahramon
Kataloniyaliklarning asosiy qutqaruvchisi – Serxi Roberto. Uning “Granada” darvozasiga (2:2) kiritgan goli durang olib kelgan bo‘lsa, “Almeriya”ga (3:2) qarshi o‘yinda g‘alaba keltirgan gol muallifi bo‘ldi.