Londonning "Arsenal" jamoasi Angliya kubogi doirasida "Liverpul"ga qarshi uy uchrashuvida asosiy futbolchilaridan birisiz qolishga majbur bo‘ladi.
Gap tizzasidan jarohat olgan asosiy hujumchi Gabriel Jezus haqida ketmoqda, deya xabar beradi jurnalist Devid Ornshteyn.
Manbaning xabar berishicha, braziliyalikning jarohatini jiddiy deb bo‘lmaydi, ammo “Arsenal” tibbiy shtabi futbolchining sog‘ligini xavf ostiga qo‘ymaslikka qaror qilgan, shu bois Gabriyel “Liverpul” bilan o‘yinda maydonga tushmaydi.
Joriy mavsumda Jezus Angliya premyer-ligasida uchta gol urdi va bitta golli uzatmani amalga oshirdi.
Braziliyalik futbolchi "Manchester Siti"dan o‘tganidan so‘ng "Arsenal" uchun ikkinchi mavsumini o‘tkazmoqda.