Angliya kubogining 3-bosqichida «Arsenal» va «Liverpul» jamoalari o‘zaro to‘qnash kelishdi.

"Kanonirlar" dastlabki 10 daqiqa ichida gol urish uchun 2 ta vaziyatni yuzaga keltirishdi. Dastlab Reyss Nelson raqib posboni bilan yakkama-yakka vaziyatda Alissonni aldab o‘tdi, ammo o‘tkir burchakdan darvozaga aniq zarba bera olmadi. Martin Edegor tomonidan yo‘llangan zarba natijasida to‘p to‘singa tegib qaytdi.

Taym so‘ngida esa Trent "Arsenal" darvozasi to‘sinini larzaga keltirdi.

O‘yin so‘ngida "Liverpul" g‘alabani ilib ketdi. 80-daqiqada Trent Aleksander-Arnoldnig uzatmasidan keyin Yakub Kivyor o‘z darvozasini ishg‘ol qilib qo‘ygan bo‘lsa, ikkinchi taymga qo‘shib berilgan daqiqalarda Luis Dias qarshi hujumni golga aylantirib, o‘yinga nuqta qo‘ydi.

Shu tariqa, "Liverpul" Angliya kubogi 4-bosqichiga chiqdi, "Arsenal" esa musobaqani tark etdi.

Angliya kubogi, 3-bosqich
Arsenal – Liverpul 0:2 (0:0, 0:2)
Gollar: 0:1 – 80, avtogol Kiver, 0:2 – 90+6 Dias.
Arsenal – Remsdeyl, Uayt, Gabriel, Saliba, Kiver (Trossard, 88), Jorjinyo (Nketia, 81), Edegor, Rays, Xaverts (Smit-Rou, 88), Nelson (Martinelli, 62), Saka.
Liverpul – Alisson, Aleksander-Arnold, Konate, Kuansa, Gomes, Mak Allister (Gravenberx, 59), Jons (Klark, 75), Elliott (Bredli, 75), Dias, Gakpo (Diogu Jota, 59), Nunyes.
Ogohlantirishlar: Saliba (65), Elliott (70), Gravenberx (90), Klark (90), Aleksander-Arnold (90).