"Chelsi" bosh murabbiyi Maurisio Pochettino "Midlsbro"ga qarshi Liga kubogi yarim final birinchi o‘yinida VAR tizimi yo‘qligi haqida o‘z jamoasini ogohlantirdi.

Chempionship vakili "Midlsbro"ning "Riversayd" stadionida VAR tizimi mavjud emasligi sababli, Futbol Ligasi barcha to‘rtta yarim final o‘yinini texnologiyasiz o‘tkazishga qaror qildi.

Pochettinoning fikricha, VAR yo‘qligi o‘yinni boshqacha qiladi, chunki hakamning maydondagi qarorlari yakuniy bo‘ladi. Maurisio o‘z o‘yinchilari buni eslab qolishlarini istaydi.

"VAR yo‘q. Ehtiyot bo‘lishimiz kerak bo‘lgan narsa. Biz odatda VAR bilan o‘ynash uchun tuzilganmiz. Biz bundan ehtiyot bo‘lishimiz kerak.

Bizga boshqacha yondashuv kerak. Biz moslashishimiz kerak. Chunki bu yerda faqat qaror qabul qiladigan hakam bor.

VAR bilan yoki VARsiz o‘ynashingizga qarab o‘yin boshqacha bo‘ladi. Bu yomonroq yoki yaxshiroq demayman, lekin boshqacha. Bu borada aqlli bo‘lishimiz kerak", - dedi Pochettino The Independent bilan suhbatda.