"Челси" бош мураббийи Маурисио Почеттино "Мидлсбро"га қарши Лига кубоги ярим финал биринчи ўйинида ВАР тизими йўқлиги ҳақида ўз жамоасини огоҳлантирди.
Чемпионшип вакили "Мидлсбро"нинг "Риверсайд" стадионида ВАР тизими мавжуд эмаслиги сабабли, Футбол Лигаси барча тўртта ярим финал ўйинини технологиясиз ўтказишга қарор қилди.
Почеттинонинг фикрича, ВАР йўқлиги ўйинни бошқача қилади, чунки ҳакамнинг майдондаги қарорлари якуний бўлади. Маурисио ўз ўйинчилари буни эслаб қолишларини истайди.
"ВАР йўқ. Эҳтиёт бўлишимиз керак бўлган нарса. Биз одатда ВАР билан ўйнаш учун тузилганмиз. Биз бундан эҳтиёт бўлишимиз керак.
Бизга бошқача ёндашув керак. Биз мослашишимиз керак. Чунки бу ерда фақат қарор қабул қиладиган ҳакам бор.
ВАР билан ёки ВАРсиз ўйнашингизга қараб ўйин бошқача бўлади. Бу ёмонроқ ёки яхшироқ демайман, лекин бошқача. Бу борада ақлли бўлишимиз керак", - деди Почеттино The Independent билан суҳбатда.
