"Manchester Yunayted" yarim himoyachisi Bruno Fernandesh kecha penaltini golga aylantirdi.
Portugaliyalik futbolchi Angliya kubogi doirasidagi o‘yinda (2:0) “Uigan” darvozasini ishg‘ol qilib, o‘yinning 74-daqiqasida 11 metrlik nuqtadan aniq zarba yo‘lladi.
BBC ta’kidlaganidek, Fernandesh 2020-yil boshidan beri “Manchester Yunayted” safida 32 ta penaltidan 28 tasini golga aylantirgan.
29 yoshli futbolchi ushbu muddatda penaltidan gol urish bo‘yicha Premyer-liganing barcha vakillari orasida peshqadam bo‘lib turibdi.
Ikkinchi o‘rinda borayotgan Muhammad Saloh («Liverpul») bu tarzda 22 bor raqiblar darvozasini ishg‘ol qildi. Hammasi bo‘lib Bruno Fernandesh «Manchester Yunayted» safida 211 o‘yinda maydonga tushib, 69 ta gol urdi va 59 golga assistentlik qilgan.
