Maurisio Pochettino "Midlsbro"dan uchralgan mag‘lubiyat haqida gapirdi.

Angliya Liga kubogining birinchi yarim final uchrashuvida “Chelsi” 0:1 hisobida mag‘lub bo‘ldi. Javob o‘yini "Stemford Brij"da bo‘lib o‘tadi.

"O‘yinimiz haqida gapirish qiyin. Biz bir nechta xatolarga yo‘l qo‘ydik, buning uchun raqib bizni jazoladi - ular gol urishdi.

Biz bir nechta golli vaziyatlar yaratdik, ammo bajara olmadik. Endi “Fulxem”ga qarshi o‘yin haqida o‘ylab, javob o‘yiniga tayyorgarlik ko‘rishimiz kerak.

Mavsumning birinchi yarmida biz imkoniyatlar yaratamiz, lekin g‘alaba qozona olmaymiz, chunki tavakkal qilmaymiz, ammo qat’iyatli bo‘lishda davom etishimiz kerak. Vaziyatni o‘zgartirish uchun "Stemford Brij"da 90 daqiqa vaqtimiz bor", - dedi "Chelsi" bosh murabbiyi Maurisio Pochettino.