"Neftchi" yangi mavsum uchun tarkibni kuchaytirishda davom etmoqda. Bugun tajribali  darvozabon Botirali Ergashev "Neftchi" bilan shartnoma imzoladi va yangi mavsumda farg‘onaliklar darvozasi dahlsizligini qo‘riqlaydi.

Ma’lumot uchun, Botirali Ergashev joriy yilni Olmaliqning OKMK klubida o‘tkazdi. Futbolchi  o‘tgan mavsumda  jami 18 uchrashuvda 1531 daqiqa  harakat qilgan. Futbolchi faoliyati davomida O‘zbekiston milliy terma jamoasi va turli toifadagi terma jamoalar tarkibida, shuningdek, "Paxtakor", "Navbahor" va ''Qo‘qon-1912'' klublarida ham o‘ynagan.

Ayni paytda darvozabon O‘zbekiston milliy terma jamoa bilan Qatarda bo‘lib o‘tadigan Osiyo kubogiga tayyorgarlik ko‘rmoqda.

"Ahil jamoamiz va ko‘p sonli muxlislarimiz nomidan O‘zbekiston milliy terma jamoasi va shaxsan Botirali Ergashevga omad va zafarlar tilab qolamiz!" - deyiladi farg‘onaliklar rasmiy saytiga.