«Atalanta» ustozi Jan Pyero Gasperini jamoaning mavsumdagi asosiy maqsadi Chempionlar Ligasi zonasida, ya’ni chempionatning kuchli to‘rtligida bo‘lish ekanini tushuntirdi.

Mutaxassisning fikricha, bu uning jamoasi uchun haqiqiy maqsad.

"Biz chempionlikni qo‘lga kirita olmaymiz, lekin Chempionlar Ligasi zonasiga kira olamiz. Bu bizning mavsumdagi asosiy maqsadimiz.

So‘nggi yillarda "Atalanta" muntazam ravishda Chempionlar Ligasi zonasiga kirdi, ammo o‘tgan mavsumda buni uddalay olmadi va hozir Italiya A seriyasi turnir jadvalida atigi yettinchi o‘rinni egallab turibdi.