A Seriya dekabr oyining eng yaxshi murabbiyi nomini e’lon qildi. Sovrinni “Fiorentina” ustozi Vinchenso Italyano qo‘lga kiritdi.
Dekabr oyida "Fiorentina" Italiya chempionatida beshta o‘yin o‘tkazdi. Ularda jamoa to‘rtta g‘alabani tantana qildi va bir marta durang o‘ynadi. Ushbu beshta o‘yinda "binafsharanglilar" o‘z darvozalaridan faqat bitta gol o‘tkazib yuborishdi (3:0, 1:1, 1:0, 1:0, 1:0).
“Fiorentina” A seriyaning navbatdagi o‘yinini 14 yanvar, yakshanba kuni o‘tkazadi. Vinchenso Italyano shogirdlari o‘z maydonida “Udineze”ni qabul qiladi.
Eslatib o‘tamiz, “Fiorentina” ayni damda Italiya chempionati turnir jadvalida to‘rtinchi o‘rinda bormoqda.
