Bungacha “Sampdoriya” va “Bolonya” klublarida to‘p tepgan urugvaylik futbolchi Gaston Ramires vataniga qaytishga qaror qildi va “Penarol” bilan shartnoma imzoladi.
Bu haqda Urugvay klubi matbuot xizmati xabar berdi. Bitimning moliyaviy shartlari hozircha oshkor etilmagan. Ramires “Penarol”da avval ham – faoliyatining boshida, 2009/2010 yilgi mavsumda o‘ynagan.
U Italiya chempionatidan tashqari Angliyada - xususan, «Xall Siti», «Sautgempton» va «Midlsbro» kabi klublarda ham o‘ynashga muvaffaq bo‘ldi.
2010 yildan 2018 yilgacha Urugvay terma jamoasiga jalb qilingan, biroq jahon chempionatida faqat bir marta – 2014 yilda o‘ynagan.
