13 yanvar, shanba kuni Angliya Premyer-ligasining 21-turidan o‘rin olgan bahsda “Chelsi” o‘z maydonida “Fulxem”ni mag‘lub etdi – 1:0. Birinchi bo‘limning qo‘shib berilgan vaqtida “Chelsi”ning 21 yoshli yarim himoyachisi Koul Palmer Raxim Sterling tomonidan ishlangan penaltini golga aylantirib, hisobni ochdi va jamoasini oldinga olib chiqdi.
Bu Sterlingning Angliya Premyer-ligasida ishlagan 26-penaltisi bo‘lib, bu musobaqa tarixidagi barcha o‘yinchilardan kamida 3 barobar ko‘p, deb xabar beradi Squawka.
"Chelsi" 2023/2024 yilgi Premyer-liga mavsumida sakkizinchi penaltini ishladi, bu Angliya chempionatida mavsum rekordi. Sterlingning o‘zi bu mavsumda Premyer-ligada uchinchi bor penalti ishladi, bu turnirdagi barcha o‘yinchilar orasida eng ko‘pi.
