"Real" bosh murabbiyi Karlo Anchelotti Ispaniya superkubogi final doirasida «Barselona»ga qarshi o‘yin (4:1) borasida o‘z fikrini bildirib o‘tdi.

– "Real" Superkubok doirasidagi 2 ta o‘yinda 9 ta gol urdi.
– Biz juda xavflimiz. Chunki hujumdagi harakatlarimiz tez va rang-barang. Bu esa raqibga qarshilik qilish imkonini bermaydi.

– «Real» va «Barselona» o‘rtasidagi farq ayni paytda shundaymi? 3 gol va 7 ochko (La ligada)?
– Hisob juda jarangdor, ammo o‘yinning o‘zi... Biz hisobni tez ochdik, ammo hiosb 4:1 ga yetmaguncha, hali hech narsa hal bo‘lmagandi. «Barselona» to‘pni yaxshi nazorat qildi va biz uni qaytarib olishga qiynaldik. Agar "Real" oson g‘alaba qozondi, deb o‘ylasangiz, bu xato fikr.

– Bunday g‘alaba jamoaning o‘ziga bo‘lgan ishonchini oshiradimi?
– Shundoq ham o‘zimiz bo‘lgan ishonch yuqori. Chunki biz yuqori saviyadagi futbolchilarga ega kuchli jamoamiz.