"Реал" бош мураббийи Карло Анчелотти Испания суперкубоги финал доирасида «Барселона»га қарши ўйин (4:1) борасида ўз фикрини билдириб ўтди.

– "Реал" Суперкубок доирасидаги 2 та ўйинда 9 та гол урди.
– Биз жуда хавфлимиз. Чунки ҳужумдаги ҳаракатларимиз тез ва ранг-баранг. Бу эса рақибга қаршилик қилиш имконини бермайди.

– «Реал» ва «Барселона» ўртасидаги фарқ айни пайтда шундайми? 3 гол ва 7 очко (Ла лигада)?
– Ҳисоб жуда жарангдор, аммо ўйиннинг ўзи... Биз ҳисобни тез очдик, аммо ҳиосб 4:1 га етмагунча, ҳали ҳеч нарса ҳал бўлмаганди. «Барселона» тўпни яхши назорат қилди ва биз уни қайтариб олишга қийналдик. Агар "Реал" осон ғалаба қозонди, деб ўйласангиз, бу хато фикр.

– Бундай ғалаба жамоанинг ўзига бўлган ишончини оширадими?
– Шундоқ ҳам ўзимиз бўлган ишонч юқори. Чунки биз юқори савиядаги футболчиларга эга кучли жамоамиз.