"Manchester Siti" bosh murabbiyi Pep Gvardiola "The Best FIFA Football Awards"da 2023 yilning eng yaxshi murabbiyi sovrinini qo‘lga kiritganidan so‘ng o‘z fikrlarini bildirdi.
2022/2023 yilgi mavsumda “shaharliklar” 52 yoshli mutaxassis boshchiligida trebl: Angliya chempionati, Angliya kubogi va Chempionlar ligasida zafar quchdi. Umuman olganda, jamoa 2023 yilda beshta sovrinni qo‘lga kiritdi (UYEFA Superkubogi va klublar o‘rtasidagi jahon chempionati).
"Sizga katta raxmat. Men ushbu sovrinni va ayni damni “Manchester Siti” va klubimizning egalarimiz bilan baham ko‘rmoqchiman. Murabbiylar shtabi va o‘z nomimdan futbolchilarimizga o‘tgan yillar davomida ushbu klub uchun qilgan ishlari uchun rahmat aytmoqchiman, shuning uchun ham barchaga istisnosiz bu yo‘l uchun rahmat. Har kuni ertalab ishga kelish sharaf edi.
Bu yerda bo‘lgan otamga rahmat, u 92 yoshda, u bu yerda ekanligidan juda xursandman", - dedi Gvardiola Yahoo Sports bilan suhbatda.
Ispaniyalik murabbiy 2016 yilning iyul oyida "Manchester Siti"ni qabul qilib olgan edi. Gvardiolaning klub bilan shartnomasi 2025 yilning yoziga qadar mo‘ljallangan.
