"Манчестер Сити" бош мураббийи Пеп Гвардиола "The Best FIFA Football Awards"да 2023 йилнинг энг яхши мураббийи совринини қўлга киритганидан сўнг ўз фикрларини билдирди.
2022/2023 йилги мавсумда “шаҳарликлар” 52 ёшли мутахассис бошчилигида требл: Англия чемпионати, Англия кубоги ва Чемпионлар лигасида зафар қучди. Умуман олганда, жамоа 2023 йилда бешта совринни қўлга киритди (УЕФА Суперкубоги ва клублар ўртасидаги жаҳон чемпионати).
"Сизга катта рахмат. Мен ушбу совринни ва айни дамни “Манчестер Сити” ва клубимизнинг эгаларимиз билан баҳам кўрмоқчиман. Мураббийлар штаби ва ўз номимдан футболчиларимизга ўтган йиллар давомида ушбу клуб учун қилган ишлари учун раҳмат айтмоқчиман, шунинг учун ҳам барчага истисносиз бу йўл учун раҳмат. Ҳар куни эрталаб ишга келиш шараф эди.
Бу ерда бўлган отамга раҳмат, у 92 ёшда, у бу ерда эканлигидан жуда хурсандман", - деди Гвардиола Yahoo Sports билан суҳбатда.
Испаниялик мураббий 2016 йилнинг июль ойида "Манчестер Сити"ни қабул қилиб олган эди. Гвардиоланинг клуб билан шартномаси 2025 йилнинг ёзига қадар мўлжалланган.
