"Roma" bosh murabbiyi Joze Mourinyo so‘nggi paytlarda jamoaning yomon natijalari tufayli iste’foga chiqarildi. Portugaliyalik murabbiyning chetlatilishidan so‘ng, "bo‘rilar" hujumchisi Paulo Dibala ijtimoiy tarmoqlarda xabar tarqatdi.

"Rahmat, janob, hammasi uchun rahmat. Siz bilan ishlashdan juda mamnun bo‘ldim. Maslahatingiz va menga aytgan har bir so‘zingiz uchun rahmat. Sizga va yordamchilaringizga eng yaxshi tilaklarimni tilayman va tez orada yana ko‘rishamiz", — deb post qoldirdi Dibala ijtimoiy tarmoqlarda.

Eslatib o‘tamiz, "Roma" ayni damda Italiya chempionati turnir jadvalida 9-o‘rinni egallab turibdi.