"Рома" бош мураббийи Жозе Моуриньо сўнгги пайтларда жамоанинг ёмон натижалари туфайли истеъфога чиқарилди. Португалиялик мураббийнинг четлатилишидан сўнг, "бўрилар" ҳужумчиси Пауло Дибала ижтимоий тармоқларда хабар тарқатди.
"Раҳмат, жаноб, ҳаммаси учун раҳмат. Сиз билан ишлашдан жуда мамнун бўлдим. Маслаҳатингиз ва менга айтган ҳар бир сўзингиз учун раҳмат. Сизга ва ёрдамчиларингизга энг яхши тилакларимни тилайман ва тез орада яна кўришамиз", — деб пост қолдирди Дибала ижтимоий тармоқларда.
Эслатиб ўтамиз, "Рома" айни дамда Италия чемпионати турнир жадвалида 9-ўринни эгаллаб турибди.
