Osiyo kubogining 2-turi doirasida bugun O‘zbekiston va Hindiston terma jamoalari o‘zaro maydonga chiqishadi.
Shu paytgacha ushbu jamoalar o‘zaro 6 marta to‘qnash kelishgan. Ularning 4 tasida O‘zbekiston g‘alaba qozongan bo‘lsa, ikki uchrashuv durang bilan yakunlangan. Terma jamoamiz hali hindlarga mag‘lub bo‘lmagan.
Hindiston va O‘zbekiston milliy jamoalari ilk marta 1997 yilda Neru Oltin kubogi xalqaro musobaqasi doirasida o‘zaro to‘qnash kelishgan. Bu o‘yinda 2:2 hisobi qayd etilgan. 1998 yilning noyabr oyida terma jamoalari 2 ta o‘rtoqlik o‘yini o‘tkazishgan. Ularning dastlabkisida hisob ochilmagan bo‘lsa, ikkinchisida vakillarimiz 4:0 hisobida g‘alaba qozonishgan.
Undan keyin o‘tkazilgan 3 ta o‘yinlarda O‘zbekistonning qo‘li baland kelgan. Jamoalar so‘nggi marta 2001 yilda o‘zaro maydonga tushgandi.
O‘zaro o‘yinlar tarixi:
Hindiston — O‘zbekiston 2:2 (Neru Oltin kubogi) — 1997 yil 4 aprel
Hindiston — O‘zbekiston 0:0 (xalqaro o‘rtoqlik o‘yini) — 1998 yil 16 noyabr
Hindiston — O‘zbekiston 0:4 (xalqaro o‘rtoqlik o‘yini) — 1998 yil 19 noyabr
O‘zbekiston – Hindiston 2:0 (Osiyo O‘yinlari) – 1998 yil 9 dekabr
Hindiston — O‘zbekiston 2:3 (Osiyo kubogi saralash) — 1999 yil 24 noyabr
O‘zbekiston – Hindiston 2:1 (Merdeka kubogi) – 2001 yil 26 iyun.
