“Jenoa” markaziy himoyachi Radu Dregushinning transfer shartlari haqida gapirdi.

21 yoshli futbolchi o‘tgan hafta rasman "Tottenxem"ga o‘tdi. "Bavariya" ruminiyalik futbolchini qo‘lga kiritishga urinib ko‘rdi, ammo u "shporlar"ni tanladi.

Shu bilan birga, ma’lumki, myunxenliklar yanada qulayroq shartlarni taklif qilishdi, buni endilikda "Jenoa" tasdiqladi.

"Agar Dregushin "Bavariya"ga o‘tganida ko‘proq pul olgan bo‘lardik. Biz bir necha million haqida gapiramiz.

Raduning o‘zi ham daromadliroq shartnoma olardi. Ammo biz uning Premyer-ligada o‘ynash istagini hurmat qildik", - dedi «Jenoa» bosh direktori Andres Blazkes.