"Barselona"ning sobiq futbolchisi Alen Xalilovich juda sabrsiz bo‘lganini tan oldi.
Kataloniya klubi xorvatiyalik futbolchini 2014 yilda o‘z safiga qo‘shib olgandi, o‘shanda u o‘sib borayotgan superyulduz hisoblanardi.
Yarim himoyachi hech qachon jamoaning asosiy tarkibida o‘z o‘rnini topa olmadi va 2016 yilda u "Gamburg"ga sotildi va u yerda ham umidlarni oqlay olmadi.
"Barselona"da bo‘lganimda, Xavi va Inyesta u yerda bo‘lsa ham, doim o‘ynashim kerak deb o‘ylardim... Yoshligingda vaqting yo‘qdek tuyuladi.
O‘tmishga nazar tashlasam, men sabrli bo‘lishim kerakligini tushunaman", - dedi Alen.
