MOQ qoshidagi “Olimpik” futbol klubi Turkiyada o‘quv-mashg‘ulot yig‘inini olib bormoqda. Ahamiyatlisi, bosh murabbiy Timur Kapadze 7 fevralga qadar davom etadigan mazkur safarga klub a’zolaridan tashqari olimpiya terma jamoaga nomzod bir qator yigitlarni ham jalb qilgan.
Jamoa bugun Serbiyaning “Rednichki” klubiga qarshi bahs bilan o‘rtoqlik uchrashuvlarini boshlaydi. Rejaga ko‘ra, 23 yanvar “Xabarovsk” (Rossiya), 24 yanvar “Jenis” (Qozog‘iston), 27 yanvar “Aktobe” (Qozog‘iston), 28 yanvar “Maxachqal’a” (Rossiya), 4 fevral “Ximki” (Rossiya) va 5 fevral “Kolxeti Poti” (Gruziya) jamoalari bilan ham nazorat o‘yinlari o‘tkazilishi rejalashtirilgan.
