"Tottenxem" klubi "Bryugge" vingeri Antonio Nusa bo‘yicha muzokaralarni davom ettirmoqda.
Oxirgi xabarlarga ko‘ra, "shporlar" 18 yoshli futbolchi uchun 30 million yevro to‘lashga tayyor. Insayder Fabrisio Romanoning yangilangan ma’lumotlariga ko‘ra, kelishuv taqdiri tez orada hal bo‘lishi mumkin va muzokaralar hal qiluvchi bosqichga kirmoqda.
"Tottenxem" istiqbolli norvegiyalik futbolchiga boshqa klublar tomonidan qiziqish bildirilayotganidan xabardor, shu bois transferni imkon qadar tezroq yopish niyatida.
Nusaning o‘zi mavsum davomida "Bryugge"ni tark etishni istamayapti. London klubi futbolchining transferi borasida iyul oyida kelishib olishi mumkin.
