"Тоттенхэм" клуби "Брюгге" вингери Aнтонио Нуса бўйича музокараларни давом эттирмоқда.
Охирги хабарларга кўра, "шпорлар" 18 ёшли футболчи учун 30 миллион евро тўлашга тайёр. Инсайдер Фабрицио Романонинг янгиланган маълумотларига кўра, келишув тақдири тез орада ҳал бўлиши мумкин ва музокаралар ҳал қилувчи босқичга кирмоқда.
"Тоттенхэм" истиқболли норвегиялик футболчига бошқа клублар томонидан қизиқиш билдирилаётганидан хабардор, шу боис трансферни имкон қадар тезроқ ёпиш ниятида.
Нусанинг ўзи мавсум давомида "Брюгге"ни тарк этишни истамаяпти. Лондон клуби футболчининг трансфери борасида июль ойида келишиб олиши мумкин.
