Londonning “Vest Xem” klubi Leverkuzenning “Bayer” klubi hujumchisi Viktor Bonifaseni sotib olmoqchi. The Sun xabariga ko‘ra, nigeriyalik futbolchini taklif qilish uchun "bolg‘achilar" yangi klub transfer rekordini o‘rnatishga tayyor. Londonliklar tarixidagi eng qimmat futbolchi 2019 yilda 50 million yevroga sotib olingan Sebastyan Aller bo‘lib turibdi.
Manbaning qayd etishicha, 23 yoshli Bonifasga “Nyukasl” va “Chelsi” ham qiziqish bildirmoqda. Shunga qaramay, “Vest Xem” nigeriyalik uchun kurashda g‘alaba qozonishga ahd qilgan.
"Bayer"dagi debyut mavsumida Boniface hozirda 16 ta o‘yinda 10 ta gol va 7 ta golli uzatmaga ega. Nigeriyalik futbolchi jarohati sabab keyingi bir necha oyni o‘tkazib yuboradi.
