"Barselona" darvozaboni Mark-Andre ter Shtegen yaqin orada maydonga qaytishini ma’lum qildi.
Nemis futbolchisi 12 noyabrdan beri o‘yinlarda qatnashmayapti. Bel qismidagi muammolar tufayli 31 yoshli darvozabon operasiyaga rozi bo‘lishga majbur bo‘ldi.
"Men ikki hafta ichida tayyor bo‘laman deb o‘ylayman, - deya ter Shtegenning so‘zlarini keltiradi Sport. - Men o‘zimni yaxshi his qilyapman, ko‘proq mashq qilyapman. O‘ynay olmaganim uchun qiynalmoqdaman”, - deydi futbolchi.
Mark-Andre ter Shtegen, o‘z prognoziga ko‘ra, 11 fevral kuni "Granada"ga qarshi o‘yinda maydonga tushishi mumkin.