"Барселона" дарвозабони Марк-Андре тер Штеген яқин орада майдонга қайтишини маълум қилди.
Немис футболчиси 12 ноябрдан бери ўйинларда қатнашмаяпти. Бел қисмидаги муаммолар туфайли 31 ёшли дарвозабон операцияга рози бўлишга мажбур бўлди.
"Мен икки ҳафта ичида тайёр бўламан деб ўйлайман, - дея тер Штегеннинг сўзларини келтиради Sport. - Мен ўзимни яхши ҳис қиляпман, кўпроқ машқ қиляпман. Ўйнай олмаганим учун қийналмоқдаман”, - дейди футболчи.
Марк-Андре тер Штеген, ўз прогнозига кўра, 11 февраль куни "Гранада"га қарши ўйинда майдонга тушиши мумкин.