"Yuventus" joriy kalendar yilini juda samarali boshladi.

Massimiliano Allegri shogirdlari 2024 yilgi beshta o‘yinning barchasida g‘alaba qozonib, to‘rt holatda yirik hisobda g‘alaba qozonishgan.

Umuman olganda, «byankonerilar» joriy yil boshidan beri dastlabki beshta uchrashuvda 18 ta gol urishga muvaffaq bo‘ldi - bu klubning 1932 yildan beri eng yaxshi ko‘rsatkichi, deb xabar beradi Opta.

Bundan 92 yil avval Karlo Karkano boshchiligidagi jamoa beshta boshlang‘ich o‘yinda raqiblar darvozasiga 22 marta golli zarba bergan.

Yaqinda “Lechche” ustidan qozonilgan g‘alaba (3:0) “Yuventus”ni A Seriya turnir jadvalida 1-o‘ringa olib chiqdi.

2-o‘rinda borayotgan “Inter” esa bir ochko ortda qolmoqda, bir o‘yin zaxirasi orqali.