Afsonaviy braziliyalik sobiq futbolchi Ronaldo Kilian Mbappening "Real"ga transferi haqida o‘ylayotganini aytdi. 25 yoshli hujumchi joriy mavsum oxirida Madridga o‘tishi mumkin.

"Real Madrid" har doim dunyoning eng yaxshi o‘yinchilari bilan shartnoma imzolaydi. Klub ko‘p yillar davomida ushbu falsafani saqlab kelmoqda va biz buni hozir ko‘rayotganimiz ajablanarli emas. Bu uzoq vaqtdan beri davom etgan haqiqiy serial”, - deya Ronaldodan iqtibos keltiradi RMC Sport.

Mbappening parijliklar bilan shartnomasi 2024 yilning iyunida tugaydi, shuning uchun u hozir boshqa klublar bilan muzokaralar olib borishi mumkin. Joriy mavsumda 25 yoshli fransiyalik barcha turnirlarda 26 ta o‘yin o‘tkazib, 28 ta gol urdi va 6 ta golli uzatmani amalga oshirdi.