Афсонавий бразилиялик собиқ футболчи Роналдо Килиан Мбаппенинг "Реал"га трансфери ҳақида ўйлаётганини айтди. 25 ёшли ҳужумчи жорий мавсум охирида Мадридга ўтиши мумкин.
"Реал Мадрид" ҳар доим дунёнинг энг яхши ўйинчилари билан шартнома имзолайди. Клуб кўп йиллар давомида ушбу фалсафани сақлаб келмоқда ва биз буни ҳозир кўраётганимиз ажабланарли эмас. Бу узоқ вақтдан бери давом этган ҳақиқий сериал”, - дея Роналдодан иқтибос келтиради RMC Sport.
Мбаппенинг парижликлар билан шартномаси 2024 йилнинг июнида тугайди, шунинг учун у ҳозир бошқа клублар билан музокаралар олиб бориши мумкин. Жорий мавсумда 25 ёшли франциялик барча турнирларда 26 та ўйин ўтказиб, 28 та гол урди ва 6 та голли узатмани амалга оширди.
